ESKAINTZA BERRIA: DENDAKETAN
2015/09/09
Bezeroarekiko harremana zaintzea beti izan da merkataritzan lan egiten dutenen helburu nagusietakoa. Bezeroari zerbitzu egokia eskaintzeko garaian, funtsezkoa da, jakina, salgaia kalitate onekoa izatea eta bezeroak eskaintzen zaiona gogokoa izatea.
Produktu ona eskaintzeaz gainera, ordea, dendariek gero eta gehiago zaintzen dute bezeroa gustura egotea, erosi ala ez erosi, dendatik pozik irtetea.
Eta, gurea bezalako gizarte elebidun batean, hori lortzeko aldagaien artean garrantzi handikoa da hizkuntza bera. Izan ere, nabarmena da dendetara joaten den bezerian gero eta gehiago dela euskaraz normaltasun osoz atenditua izan nahi duena. Eta nabaria da, era berean, dendariak herritarren nahi eta gogo horri erantzuteko egiten ari diren ahalegina.
Hori dela eta, aurten Errioxako IKAn euskara ikastaro berezia eskaini nahi dugu: Dendaketan.
Zer da?
Merkataritza eta ostalaritza arloko profesionalei zuzendutako 60 orduko ikastaroa; sektore hauetan aritzeko oinarrizkoak diren nozioak ikasteko eta menperatzeko aukera ematen duena; hortaz, bezeroarekiko harremana eta eskaintzen zaion zerbitzuaren hobetzea ekarriko duena.
Norentzat?
Arabar Errioxan ostalaritza eta merkataritzaren sektorean lan egiten duten, eta bezeroari zerbitzu hobea eskaintzeko asmoz, euskara ikasi nahi duten pertsonentzat.
Interesa izanez gero, gurekin harremanetan jarri.