LABURBIRA 2023
2023/03/08
Heldu da, bai, LABURBIRA! Hurrengo ostegunean, hilak 16, iritsiko da Arabako Errioxara. Hitzordua Biasteriko zineman (Antonio Mijangos aretoan) 19:00etan izango dugu.
Martxoaren 7an hasi zen Irunen, eta, dagoeneko, Euskal Herri osora bidaiatzen ari da.
2023ko LABURBIRAK, euskarazko film laburren zirkuitu ibiltariak, 32 herritan egingo du geldiunea bere XX.edizioan. 7 film-laburrez osatutako bilduma eskaintzen du aurten Laburbirak, eta gaur egungo zinemagintzaren lagin aparta izaki, gure sortzaileen lanaz gozatzeko aukera emango die herritarrei; eduki zein estiloz denetariko pelikulekin osatua baidator film-labur sorta. Euskal Herri osoan ekoitzitako film laburren bilduma martxoaren 7tik apirilaren 5era bitartean eskainiko da.